خطة لدراسة اللغة الالمانية ذاتيا دون معلم

خطة لدراسة اللغة الالمانية ذاتيا دون معلم

How to Learn German by Yourself

نظرا لكونى اتسألت أكثر من مرة عن خطة محددة للدراسه ذاتيا دون معلم، فبعيدا عن سياسه التخيير فى الختيار الكورسات التى اتبعتها فى ما كتبته فى جزء "طريق مقترح للدراسه" الموجودة فى ملف الكورسات المجمع (المثبت كاول بوست فى الجروب) .. سأنشر الرد حتى تعم الفائدة

ردى على تلك الأسئلة كان كالتالى ::

ايوة حضرتك تقدر تذاكر مع نفسك وتوصل للمستوى اللى انت عاوزة، لكن الوقت نسبى وبيتحدد حسب عدد الساعات اللى بتذاكرها يوميا، وتحديدا عدد ساعات التركيز وكمية الانجاز اللى بتطلع بيها من كل ساعات المذاكرة المخصصه .. كل ما زادت عدد ساعات التركيز كل ما كان أفضل، وبعد كل ساعه خد بريك من 5 لـ 10 دقائق اعمل فيهم تمارين رياضيه .. فشد حيلك وربنا معاك

هحاول ادى حضرتك خطة مسلسله .. يارب تكون مفيدة وتغطى كل الجوانب ..
حضرتك هتدرس فى اطار محاور متوازية متزامنه (كل المحاور فى نفس الوقت) بحيث تغطى كل جوانب اللغه ومش تتحط فى موقف انك مثلا بعد نجاحك فى B2 وتسافر ألمانيا تواجة مشكله فى التحاور مع الناس هناك ..

* كورس رئيسى : Book2 German .. ثم Deutsch warum nicht .. ثم ( DaF kompakt A1-B1 او Delfin A1-B1 ) .. ثم أى كورس لل B2 مش هتفرق كتير وكذلك لل C1

* كورس قواعد : Deutsch für Araber - Hassan Ismaeil + كتاب قواعد من Grammatik Bücher لدراسه شامله لكل قاعدة تم دراستها من حسن اسماعيل .. وبعد اكتمال حسن اسماعيل تكمل من كتب القواعد فقط

* كورس صوتى : (Michel Thomas German + Pimsleur German) .. ثم GermanPod101 - Podcast German من البدايه للمستوى ما قبل المتوسط أو حتى المتوسط مفيش مشاكل .. ثم Slow German .. ثم GermanPod101 - Podcast German المستوى المتوسط والمتقدم .. .. ثم Hörtraining für Die Mittelstufe .. وممكن كمان DW Top-Thema علشان الأخبار وكدة .. ثم Dialog Beruf علشان الشغل ..

* كورس تفاعلى : Rosetta Stone German .. ثم TELL ME MORE German v9 .. ثم أى كورس تفاعلى آخر لإستمرارية الممارسه والتذكر

* كورس فيديو : اختار اللى يعجبك، بس خد بالك مكتوب انه موجة للمستويات A1-B1 يبقى اعمل حسابك انك تذاكرة لما تخلص B1 ودة لضمان الأستيعاب الكامل .. لكن أكيد تقدر تذاكر الكورس قبل ما تكمل بس تمشى متوازى مع باقى المحاور، وأكيد دة يكون المحور الأخير

كدة اعتقد تكون غطيت كل B2 بل كمان غطيت اغلب C1 بس لو هتمتحن C1 يبقى تراجع كتاب أكاديمى يغطى الجزء دة (وان كنت أرجو ان على ما توصل للمستوى دة يكونوا نزِّلوا كورس مكثف للثلاث مستويات الأخيرة أو حتى B2-C1 على الأقل .. فلو لقيته ياريت تبعتهولى

:) ) ..

لو انت عاوز شهادة يبقى هتقدم على الأمتحان ، بس قبله تذاكر كورس او كورسين أو اكثر من كورسات التدريب على الأمتحان حسب الأمتحان اللى انت ناوى تتقدم له .. ودة لضمان استيعاب نظام الامتحان وكيفية الأجابه وكمان معرفه مواضيع تتكرر فى الأمتحانات بشكل أو بآخر

وامتحان تحديد المستوى للأسف مفيش عندى كورسات تدريبية ليه (واتمنى يكون حد عندة وينشرها لمساعدة الناس) .. لكن فيه 3 لينكات تقريبا، للجزء القواعدى فقط من الأمتحان، ودة هوه وكورسات التدريب على الأمتحانات موجود فى الملف المجمع شانه شان كل الكورسات اللى ذكرتها .

ملحوظة 1 : الكورسات لابد من دراستها كاملة، بمعنى لو كورس مُدرج على انه كورس صوتى لكن معاه كتاب، فيتم مذاكرة الكورس كامل بكتابه لضمان الأستيعاب الكامل، وتصنيف الكورس كان كورس صوتى لانه يهتم اكثر بمهارة السماع (وهى من أكثر الوسائل المفيدة لتعلم اللغات).

ملحوظه 2 : الكورس الاكاديمى بيحتاج مدرس، فعلشان تقدر تذاكر لواحدك لازم يكون مستواك معادل للكورس أو سابقه سنه بحيث تقدر تلم بيه بدون مدرس .. ومش اغلب المستويات ليها كورسات تعليم ذاتى .. وكمان كورسات التعليم الذاتى مش بتغطى كل شئ .. هيا بستاعد كويس لكن مش بنسبه 100% .. وعلشان كدة انا مثلا نصحت بعد ما يذاكروا ال3 مستويات الاولى من كورسات تعليم ذاتى ، يراجعوا على كورس أكاديمى مركز (جزء واحد للثلاث مستويات)، بحيث لو فاتهم حاجة يعرفوها ومش يضطروا يذاكروا كورس أكاديمى مسلسل (جزء لكل مستوى)، لأن مذاكرة الكورس المركز لثلاث مستويات هتكون قريبه فى المجهود من ذاكرة مستوى واحد فقط من كورس مسلسل .. اما المستويات الأعلى، مش هتحتاج مدرس لكن أكيد حاجات هتقف وتحتاج تبحث وتدور عنها، ودة الطبيعى.

ختاما : الخطة دى مش كتاب مقدس، هيا بالطبع قابلة للتعديل، انا كتبتها فقط نظرا لان كتير من الناس مش بتعرف تختار الكورسات نظرا لكثرتها وتنوعها، فكنت أكثر تحديدا هنا .. كمان اختيارى مش بالضرورة يكون الاختيار الامثل، الأختيار هو فقط ما رأيته أفضل .. وبالطبع الأختيارات هذة قابلى للأضافه والتعديل، ولهذا يسعدنى سماع تعديلاتكم واقتراحاتكم .. فدائما ما اطور تلك الخطة تبعا لما أعرفه من مزايا الكورسات وعيوبها، وتبعا أيضا لتجارب الأعضاء معها، ولهذا كنت أطلب منكم دائما تعليقاتكم عن الكورسات التى تدرسونها.

فى انتظار اقتراحاتكم وتعديلاتكم .. ولا تنسونى من دعواتكم

:) .. وبالتوفيق للجميع