الكورس الأكاديمى الحديث Menschen A1-B1
كامل بتحميل منفرد بدون ضغط وبدون باسورد & تحميل مجمع مضغوط بباسورد الجروب German4Free
أحد أحدث مناهج تعليم اللغة الألمانية لغير الناطقين بها، وهى الكتب التي تدرس حالياً فى معهد جوتة مصر.
((التحميل))
- يمكنك تحميل اي ملف منفرد دون باقي الملفات
- يمكنك تحميل محتوى الكورس بالكامل عن طريق الضغط على ذر Download as ZIP الموجود بالاعلي
- يمكنك تحميل أى مجلد لمستوي كامل أو تحديد عدة مجلدات وملفات، ثم ضغط ذر الفارة الأيمن ثم اختيار Download ثم Download as ZIP
- يمكنك اضافة الكورس كاملًا لحسابك على موقع ميجا عبر الضغط على ذر Import to my cloud drive بالاعلي
تحميل منفرد للملفات بأفضل ترتيب وتنسيق ممكن، وبدون باسورد
بشمل كل ملفات الكورس قاطبةً
https://mega.nz/#F!vEMV0ADT!cxJh9I4UDiHH1MpYoEIAsA
..............................................
.....................
كتاب MENSCHEN للمستوى الواحد عباره عن 24 درس مقسمين على كتابين Kursbuch
كل كتاب 12 درس وكل كتاب معاه كتاب تمارين Arbeitsbuch
نتكلم الاول عن كتاب الــ Kursbuch ( كتاب الشرح )
الدرس الواحد 4 صفحات وكل درس بيحتوى على كلمات تخص الموضوع اللى بيتكلم عنه الدرس حسب العنوان وفى بعض الدروس بتلاقى فيها الكلمات بعيده بعض الشئ عن الدرس .. لكن دى مش مشكله .. كل كلمه بتحفظها بدرى هتنفعك سواء دلوقتى او بعدين
كل درس بيحتوى على قاعدة معينه GRAMMATIK وجزء للمحادثه تخص شئ معين KOMMUNIKATION ومجموعه من الكلمات بالصور BILDLEXIKON بالاضافه للكلمات اللى بتكون فى داخل النصوص الطويله الموجوده فى بعض الدروس او الكلمات اللى بتسمعها من خلال الصوتيات فى كل درس
--------------------------------------------------------------
طب تمام ازاى ابدأ الدرس بقى ؟!
اول حاجه تقرأ العنوان وتخمن الدرس بيتكلم عن ايه كمعلومه شخصيه لنفسك انك بتحاول تتفهم موضوع الدرس ولو خمنت غلط مفيش اى مشكله .. طبيعى انك تغلط وتعرف الصح من خلال الدرس وتتعلمه ...
وبعدين تبدأ تحفظ الكلمات اللى فى الصور BILDLEXIKON الموجوده اعلى الصفحتين التانيه والتالته من كل درس وعددهم بيتراوح من 9 كلمات مثلا لحد 18 كلمة ... تحفظ كل كلمه بأداتها الخاصه هتلاقى العلامه الزرقاء تعنى der والعلامه الخضراء تعنى das والعلامه الحمراء تعنى die وهتقابلك علامه صفراء برده احيانا وتعنى die للجمع ... واسهل طريقه لحفظ هذه الكلمات انك تقسمهم كعدد كلمات يعنى تاخد الكلمات اللى اداتها der وتحفظها ورا بعض ثم الكلمات اللى اداتها das وتحفظها ورا بعض ثم الكلمات اللى اداتها die وهكذا
--------------------------------------------------------------
ندخل بعد كده على اخر صفحه فى الدرس ونبدأ بمستطيل القواعد GRAMMATIK
تعرف اسم القاعده من العنوان فى اعلى المستطيل ثم تفهم القاعده بتتكلم عن ايه وتقرأ المثال المرفق معاها ولو ملقتش مثال فى بعض الاحيان هتلاقى فى الدرس نفسه امثله كتير وانت بتقرأه فيما بعد وليه ملف صوتى مع الملف اللى انت حملته برده يحمل كلمه GRAMMATIK حابب تسمعه ماشى مسمعتوش مش مشكله
ثم فى نفس الصفحه هتروح على مستطيل التعبيرات اللى بتساعدك على المحادثات KOMMUNIKATION وهتلاقى العنوان اللى تقدر تستخدم فيه التعبيرات دى فى اعلى المستطيل وتحفظ كل الكلام اللى فيه حتى لو مش فاهمه حاليا هتفهمه برده وسط الدرس وانت بتقرأه او من الـ Arbeitsbuch هتلاقى فيه تطبيقات عليه كمحادثه مصغره وهتلاقى ليها ملف صوتى برده موجود مع الكورس اللى حملته اسمه KOMMUNIKATION حابب تسمعه ماشى مسمعتوش برده مش مشكله
خلصنا الكلمات والمستطيلات وذاكرناها كويس كتابه وفهمنا فكرتها ومضمونها ؟ .. تمام !
--------------------------------------------------------------
نبدأ بقى الدرس من اول صفحه بالترتيب هتلاقى الدرس اجزاءه مترقمه ..
نبدأ بأول جزء ثم الثانى ثم الثالث وهكذا ......
مهم جدا انك تقرأ عنوان كل جزء وتعرف ايه المطلوب منك فيه اذا كنت هتسمع او هتقرأ او هتكمل فراغات ناقصه اجاباتها هى المستطيلات اللى انت ذاكرتها من شويه او من الكلمات المصوره اللى انت برده ذاكرتها
1-الجزء اللى مطلوب منك تسمعه هتلاقى ليه صوتيات MP3 موجوده مع الكورس اللى انت حملته وهى صوتيات الـ Kursbuch
طبعا هتسمع ومش هتفهم حاجه من اول مره او هتسمع كلمه او كلمتين مألوفين بالنسبالك ...
هتعمل ايه علشان تفهم باقى النص المسجل ؟!
طبعا لازم تسمع مره واتنين وتلاته لحد ما تحس انك فهمت فكره النص او المحادثه بس لسه فى كلمات ودانك مش جايبها خالص ...... الحل ايه بقى ؟!
جميل ... هتلاقى فى الكورس اللى انت حملته ملفات PDF لتفريغ الصوتيات دى بمعنى ان كل كلمه بتتقال هتلاقيها مكتوبه بحيث انك تقراها وتفهم والملفات دى اسمها Transkriptionen
بس نصيحه ما تستسهلش انك تقرأ قبل ما تسمع .. اسمع مره واتنين وتلاته لحد ما تلاقى نفسك فهمت بس فى كلمات بتسقط منك ومش بتعرف تسمعها .. ساعتها بس تلجأ لملف الــ PDF
بعد ما تقرأ ملف الـ Transkriptionen ترجع تسمع تانى النص بدون ما تقرأ .. تسمع بس وتفهم كل كلمه سماعياً فقط ... وبعدين تحل المطلوب منك فى الجزء ده .. وهكذا مع كل جزء سماعى يقابلك بما فيهم الاجزاء اللى ممكن تقابلك فى كتاب التدريبات Arbeitsbuch
2-الجزء المطلوب منك قراءته هتقرأه وتفهم كل كلمه فيه ومتعديش حاجه الا لو كانت جرامر هتعرفه لسه مع الوقت فمتوقفش نفسه عند القواعد بإستثناء قاعده الدرس فقط والدروس السابقه اللى مرت عليك وذاكرتها .. لكن الكلمات ماتعديش كلمه الا لما تفهم معناها وتترجمها وتسجلها علشان لما تقابلك تانى تقدر ترجعلها بسهوله وتراجع عليها وبعدين تحل المطلوب منك على جزء القراءه وهكذا مع كل جزء قراءه هيقابلك بما فيهم اجزاء القراءه فى الـ Arbeitsbuch ....
3-هتلاقى اجزاء فى بعض الدروس بيطلب منك تروح لصفحات فى اخر الكتاب وتعمل تمرين منها مع زميلك فى الكورس .. وطبعا بما انك بتدرس لوحدك ممكن تذاكرها على قد ما تقدر
وبعدين تمشى مع باقى الدرس الى النهايه ثم تتجه الى كتاب التدريبات .........
--------------------------------------------------------------
كل 3 دروس فى الكتاب تسمى MODUL ... فى نهايه كل 3 دروس ( MODUL )
هتلاقى موضوعات قراءه عامه مش شرط تكون تابعه لموضوع الدرس وكذلك فيديوهات واغنيه تعليميه بسيطه ... ممكن تستعملهم وتسمع وتقرأ وممكن لأ ... يعنى حسب المزاج .. لكنها اكيد مفيده لو تقدر تدرسها ...
وفى اخر الكتاب هتلاقي قاموس مصغر مرتب ابجديا للكلمات دون ترجمه .. فقط ترتيب للكلمات مش اكتر لكنه مفيد لو احتاجت تقرأه وتراجع على كلماتك الى عرفتها بعد ما تخلص الكتاب .. وكل كلمه قدامها الصفحه اللى وردت فيها علشان لو حبيت ترجع للنص كله وتفهم معنى الكلمه منه
--------------------------------------------------------------
بالنسبه لكتاب التدريبات Arbeitsbuch
مطلوب منك تحله كله وتفهمه كله وتسمع كل ماهو مطلوب سماعه بتركيز وتكرر اللى بتسمعه قدر الامكان وهتلاقى الملفات الصوتيه موجوده مع الكورس اللى حملته وفى اخر كل درس هتلاقى امتحان صغير صفحه واحده اختبر نفسك فيه ... بالاضافه الى الصفحه الاخيره هتلاقى كلمات من الدرس ومطلوب منك ترجمتها للغتك الام ... مهم جدا انك تترجمها بالعربيه هتفيدك وهتثبت الكلمات فى ذهنك اكتر ..
--------------------------------------------------------------
كده انا قولت كل اللى اعرفه ولو حد حابب يضيف حاجه عادى جداا المهم المنفعه تعم على الجميع
واللى عنده استفسار انا تحت امركم 
دعواتكم 
دي تجربتي مع المذاكرة من كتاب Menschen وبفضل الله جبت 80 % في امتحان A2 :
اولا : الادوات
1- أقلامك
2_ اللاب مع النت اكيد
3_ الكتب الاكاديمية سواء ( منشن_دولفين ..... ) اللي يريحك
4_ كشكول يستخدم كقاموس
5_ كشكول يستخدم للشخبطة
البداية :
هتلاقي صعوبة الاول في المذاكرة بتاعتك لو انت بتذاكر من كتاب الماني الماني زي منشن وده ابتديت بيه بعد ما دخلت علي شويه كتب ثانوية عامة للالماني ( حاجة زي ما بتقول فتح كلام مذاكرة )
بالنسبة لتجربتي مع كتاب منشن Kursbuch :
1_ هتبتدي بكلمات الدرس بتاعك اللي ديما بتبقي في الصفحة التانية والتالته فوق وهيبقي معاك قاموسك وهتكتب كل كلمة تمر عليك في قاموسك بالاداة بتاعتها والجمع بتاعها
2_هتيجي لاخر صفحة في الكتاب هتلاقي مستطيلين
واحد Grammatik تفهم القواعد اللي بتتكلم عليها الدرس
والمربع تاني Kommunikation ودي تعبيرات مهمة لازم تعرفها عشان تسهل عليك قدام وبكده انت جمعت الدرس ده هيتكلم عن ايه قبل ما تبدأ فيه
خلصت يا سيدي
ارجع تاني من اول الدرس وامشي خطوة بخطوة الاسءلة بتاعت الكتاب وحلها ومتفوتش كلمة الا وتعرف معناها
بعد ما خلصت الدرس بتاعت Kursbuch اوعي تفتكر انك كده خلصت 
لسه في كتاب الArbeitsbuch وده كتاب تمرينات علي اللي انت ذاكرته من الkursbuch
ويعتبر مهم جدا جدا جدا لان بحله بيثبت الكلمات في دماغك ( متنساش متفوتش كلمة الا وتكون عارفها وتسجلها في قاموسك )
بعد ما خلصت الكتاب التاني هترجع للقاموس بتاعك تشوف الكلمات بتاعتك اللي انت كتبتها
ودي تتحفظ بطريقتن كزيادة تأكيد اما بكتابة الكلمات بالعربي ونكتب اللي فاكرينه بالالماني
الطريقة التانية تسجل الكلمات اللي في قاموسك علي الموبيل بصوتك وتقعد تسمع بالهاند فري كلماتك
وبكده انت خلصت الدرس الاول وتخش علي الدرس التاني
نصيحة اخيرة انت ممكن تكتب كل القطع اللي بتقراها في الكتابين بايدك احسن عشان تثبت الكلمات في دماغك اكتر واكتر
حاجه كمان حاول مع بداية كل درس جديد تمسك درس من القديم في قاموسك ولو بالنظر ... التكرار هو دائما مفتاح تثبيت الكلمات
